Janë publikuar rezultatet e para zyrtare nga Komisioni Qendror i Zgjedhjeve për zgjedhjet parlamentare në Shqipëri. Deri më tani janë numëruar vetëm 2 nga gjithsej 5225 QV (qendra votimi), por rezultatet e para ofrojnë një panoramë fillestare të garës politike, raporton KosovaNews.
Sipas të dhënave të deritanishme, në vendin e parë renditet Koalicioni Partia Demokratike – Aleanca për Shqipërinë Madhështore, duke marrë epërsinë ndaj subjekteve të tjera. Në vendin e dytë pozicionohet Lëvizja Bashkë, një forcë e re politike që po tregon rezultate të mira në fazat e para të numërimit. Ndërkaq, Lëvizja Atdheu zë vendin e tretë.
Subjektet e tjera që ndjekin në renditje janë: Partia Koalicioni Euroatlantik, Partia Socialiste e Shqipërisë, dhe Koalicioni Nisma Shqipëria Bëhet. Më poshtë në listë renditen edhe Partia Aleanca Kombëtare Shqiptare, Partia Aleanca Demokratike e Re, si dhe Koalicioni Djathtas për Zhvillim.
Këto rezultate paraprake nuk japin ende një pasqyrë të qartë të fitores përfundimtare, por tregojnë për një garë të fortë mes subjekteve të mëdha dhe atyre të reja që po kërkojnë të fitojnë terren në skenën politike shqiptare.
Procesi i numërimit pritet të vazhdojë gjatë ditës dhe netëve në vijim, ndërkohë që interesimi qytetar dhe ai mediatik është i lartë në mbarë vendin.
