Armend Muja nga Lëvizja Vetëvendosje ka reaguar ndaj propozimit të kryetarit të LDK-së, Lumir Abdixhiku, për një qeveri tranzicioni, duke theksuar se LDK ka dalë e treta në zgjedhjet e 9 shkurtit dhe nuk duhet t’i dërgojë ftesa fituesit.
Muja ka theksuar se LDK, me 20 deputetë, duhet të rritet për 20% për të arritur PDK-në (24 deputetë), e cila është sa gjysma e fituesit të zgjedhjeve, LVV (48 deputetë). Ai ka shtuar se “humbësi nuk i dërgon ftesa fituesit” dhe se kjo është arsyeja pse vetëm Ramush Haradinaj i është përgjigjur Lumir Abdixhikut.
Postimi i Mujës në rrjetet sociale vjen pas konferencës për media të Abdixhikut, ku ai propozoi një qeveri tranzicioni si zgjidhje për bashkëqeverisje me LVV-në, dhe konfirmoi se Haradinaj e kishte mirëpritur idenë.
Postimi i Plotë:
LDK ka dalur e treta në zgjedhjet e 9 shkurtit me 20 deputetë. Ajo duhet të rritet për 20% që ta mbërrijë PDK-në (24 deputetë) e cila është sa gjysma e fituesit të zgjedhjeve LVV (48 deputetë). Humbësi nuk i dërgon ftesa fituesit. Prandaj edhe vetëm Ramush Haradinaj i është përgjigjur Lumir Abdixhikut.
