Deputetët e Kuvendit të Republikës së Kosovës do të mblidhen sot për të njëmbëdhjeten herë me radhë, në përpjekje për të konstituuar Kuvendin e Kosovës.
Deputeti Faton Peci tashmë ka arritur në Kuvendin e Kosovës, ku pritet të vazhdojë seanca konstituive. Peci tha se beson që Konjufca sërish do ta propozojë Albulena Haxhiun për kryeparlamentare.
“Kemi hy në një cikël ku po kërkojmë për shkak të respektimit të vullnetit të plotë të deputetëve, që të kemi një votim të fshehtë. Në rast se kemi shumicen e nevojshme, atëherë vjen në shprehje cili do të jetë emri. Unë besoj që prapë Konjufca do ta propozojë për kandidate znj. Albulena Haxhiu”, tha Peci.
Ai u pyet dhe për akuzat që ka bërë deputeti i LDK-së Paris Guri, i cili kishte deklaruar se Faton Peci në ora 10:00 nuk duhet të ishte në Kuvend, por do të duhej të shkojë në burg. Peci tha se i ka deponuar në Prokurori dëshmitë dhe provat materiale kundër tij.
Sipas tij deputeti Paris Guri gjatë procesit zgjedhor, ka dashur të inskenoj kinse dhënia e përkrahjes për sekorin e bujqësisë, është bërë me ryshfet.
“Ai që ka bërë një fyerje të tillë është konsumues i katër veprave penale, për çka unë i kam deponu në porkurori dëshmitë dhe provat materiale, sms ku ka dhe dëshmitar ku ai gjatë procesit zgjedhor, ka dashur të inskenoj kinse dhënia e përkrhajes për sekotrin e bujqësisë, është dhënë me ryshfet. Një diçka është e sigurtë, herë do kur ai person do të gjindet prapa grilave. Ndoshta ai e din thellë se atje do të përfundojë dhe për këtë paraqet mesazhe të tilla”, tha Peci..
