Drita ka shënuar fitore ndaj Llapit me rezultat 1-0 në kuadër të xhiros së 32-të në Superligën e Kosovës, tri pikë që i mjaftuan që të shpallet zytarisht kampion.
Pas një pjese të parë pa gola, por me raste nga të dyja palët, fundi i ndeshjes doli të jetë mjaftë interesant.
Drita krijoi disa mundësi për ta gjetur golin, por u desh të priten minutat e fundit.
Arbër Bytyqi i Llapit u ndëshkua me karton të kuq pas dy të verdhëve, ndërsa nga ajo goditje dënimi, Iljesa Zylfiu, shënoi për 1-0.
Edhe Drita mbeti pa një lojtar, pasi Arb Manaj u ndëshkua me dy karton të verdhë.
Zylfiu ishte afër golit edhe në kohën shtesë, por Marijan Coric bëri një pritje të madhe.
Drita shpallet kampioni i Kosovës pas pesë vitesh, ku gjilanasit kanë 69 pikë, duke e lënë Ballkanin me 12 pikë pas kur kanë mbetur edhe katër ndeshje.
Rezultatet mes Dritës dhe Ballkanit janë në favor të gjilanasve.
