Fondacioni Kombëtar i Shkencës i Shteteve të Bashkuara të Amerikës (NSF) ka publikuar imazhin e parë të Diellit të marrë duke përdorur një instrument të ri, Visible Tunable Filter (VTF), i cili ndodhet në teleskopin diellor më të madh në botë, Daniel K. Inouye Solar në Hawaii.
Është përfaqësimi më i detajuar i sipërfaqes së yllit tonë deri më tani, i cili u mundëson shkencëtarëve të kenë një pasqyrë tredimensionale në proceset komplekse në Diell.
Imazhi tregon një grup njollash të errëta diellore në madhësinë e kontinenteve të Tokës në qendër të atmosferës së brendshme të Diellit, me një rezolucion prej 10 kilometrash për pixel.
Këto pika shënojnë zonat e aktivitetit magnetik intensiv ku ndodhin ndezjet diellore dhe nxjerrjet e masës koronale (CME).
Shpërthimet e masës koronale janë re të mëdha gazi jonizues, të njohura si plazma dhe fusha magnetike që shpërthejnë nga atmosfera e jashtme e Diellit, shkruan CNN.
Këto dukuri mund të kenë një ndikim të rëndësishëm në Tokë, duke prishur fushën elektromagnetike të planetit, duke shkaktuar ndërprerje në rrjetet e energjisë, satelitët dhe sistemet GPS.
Bëhet e ditur se shkencëtarët kanë monitoruar ciklin 11-vjeçar të aktivitetit magnetik të Diellit për dekada.
Në tetor 2023, agjencitë amerikane dhe ndërkombëtare, përfshirë NASA dhe NOAA, konfirmuan se Dielli kishte hyrë në një fazë maksimale diellore, një periudhë në të cilën polet magnetike të Diellit rrotullohen dhe numri i njollave diellore arrin kulmin.
Kjo fazë do të zgjasë disa muaj dhe përkon në mënyrë të përkryer me intensifikimin e testimit të teknologjisë së re si VTF.
Ndryshe, teleksopi VTF është pjesë e një përpjekjeje globale për të kuptuar më mirë Diellin dhe për të parashikuar motin në hapësirë.
Ndërsa aktiviteti diellor rritet, instrumente si ky mund të luajnë një rol vendimtar në mbrojtjen e infrastrukturës dhe teknologjisë së Tokës.
