Kryetari i LDK-së, Lumir Abdixhiku, ka bërë një reagim pas dështimit të radhës të seancës konstituive.
Abdixhiku po ashtu ka folur edhe për refuzimin e ftesës që i ka bërë kryeministrit në detyrë, Albin Kurti.
Ai ka shkruar se me të tillët nuk mund të ketë takim e as mirëkuptim.
“A po e kuptoni tani, se pse me të tillët, nuk mund të kesh as takim e as mirëkuptim? Të takojnë, të mashtrojnë! Gjersa të thërrasin në takim, jashtë të ofendojnë. Në fund veprojnë në arbitraritet të plotë! Sepse nuk njohin njerëzoren, as fjalën as kurrizin! Kjo politikë duhet të marrë fund! LDK do t’i japë fund! Është interes kombëtar refuzimi i qasjes së tillë politike, jo nënshtrimi e dorëzimi para saj. Shpresoj dhe partitë tjera ta kuptojnë këtë gjë sa më parë”, ka pohuar ai.
Tutje, ai ka shtuar “LDK e ka të qartë. Prandaj është konsistente. Para, gjatë e pas zgjedhjeve”.
“Prandaj votuesi e mbështetësi i LDK-së sot rri krenar”.
