Agjencia për Zhvillimin e Bujqësisë njofton të gjithë fermerët se zgjatet afati ligjor për pranimin e aplikacioneve të fermerëve për projektet e zhvillimit rural për vitin 2022 deri më datë 15 gusht 2022, ora 16:00.
Kjo agjenci, e cila është në kuadër të Ministrisë së Bujqësisë, Pylltarisë dhe Zhvillimit Rural, kishte hapur më 7 korrik periudhën për aplikim për disa masa mbështetëse në kuadër të Programit për Bujqësi dhe Zhvillim Rural për vitin 2022, ku investimet kapin vlerën mbi 26 milionë euro.
Përmes këtij programi do të përkrahen projektet investive të fermerëve dhe agrobizneseve në gjithë territorin e Kosovës.
