Kryeministri i Kosovës Albin Kurti, ka vizituar për ngushëllime familjen e të ndjerit, Fatlum Haradini, i cili vdiq tragjikisht nga shembja e dheut në vendin e punës, në lagjen Veternik në Prishtinë.
Bëhet e ditur se Kurti u shprehu ngushëllime të sinqerta familjarëve, miqve dhe kolegëve të tij, për humbjen e më të dashurit të tyre.
“Kryeministri i Republikës së Kosovës, Albin Kurti, vizitoi për ngushëllime familjen e të ndjerit, Fatlum Haradinit, i cili vdiq tragjikisht nga shembja e dheut në vendin e punës, në lagjen Veternik në Prishtinë. Ai u shprehu ngushëllime të sinqerta familjarëve, miqve dhe kolegëve të tij, për humbjen e më të dashurit të tyre”, thuhet në njoftimin e zyrës për informim të Kryeministrit.
