Qendra Kosovare për Studime të Sigurisë njoftoi se faqja e saj në internet është nxjerrë jashtë funksionit, si masë sigurie për shkak të sulmeve kibernetike që dyshohet se po ndodhin nga grupe hakerësh të lidhura me rrjetet ruse dhe ato serbe.
Qendra bën të ditur se përkundër këtyre tentativave, faqja e saj mbetet e paprekur edhe pse momentalisht është jashtë funksioni për shkaqe sigurie.
Ndërkohë, ekipet e Teknologjisë Informative në kuadër të Qendrës Kosovare për Studime të Sigurisë janë duke e trajtuar rastin me qëllim të funksionalizimit të faqes në internet.
