Kryeministri Kurti përgëzon Kosovën për fitoren ndaj Islandës dhe kalimin në Ligën B të Ligës së Kombeve. Kalimin në Ligën B, që është niveli i dytë i Ligës së Kombeve, “Dardanët” e siguruan të dielën mbrëma në Murcia të Spanjës.
Pas ndeshjes ka reaguar edhe kryeministri i Kosovës. Albin Kurti, i cili e ka uruar ekipin kosovar për fitoren.
“Pesë gola në dy ndeshje kundër Islandës, tre të Vedat Muriqit, që ngrisin Kosovën në Grupin B të UEFA Ligës së Kombeve, e neve të gjithëve na mbushin me krenari për paraqitjen e lojtarëve tanë dhe rezultatin e arritur”.
“Përgëzime për lojën, urime e gëzuar për shumë fitore tjera dhe suksese që na presin”, ka shkruar Kurti.
