Zyrtarët shëndetësorë të SHBA-se po kërkojnë nga shitësit që të tërheqin disa kremra për akne nga raftet e dyqaneve, pasi testimet e qeverisë zbuluan se ato përmbajnë nivele të larta të një kimikati të lidhur me kancerin.
Administrata e Ushqimit dhe Medikamentit (FDA) njoftoi se disa lote të gjashtë produkteve që përmbajnë peroksid benzoil janë tërhequr, përfshirë Walgreens Acne Control Cleanser, Proactiv Skin Smoothing Exfoliator, dhe La Roche-Posay Effaclar Duo Dual Action Acne Treatment.
Lista e plotë dhe numrat e loteve janë publikuar online të martën, raporton AP.
FDA theksoi se konsumatorët kanë një rrezik të ulët nga këto produkte.
“Edhe me përdorimin e përditshëm të këtyre produkteve për dekada, rreziku që një person të zhvillojë kancer për shkak të ekspozimit ndaj benzeneve të gjetura në këto produkte është shumë i ulët,” tha agjencia.
Të gjithë produktet përmbajnë benzen, një komponent kimik i naftës bruto, gazit dhe tymit të cigareve. Ekspozimi i gjatë ndaj niveleve të larta mund të shkaktojë leukemi dhe kancere të tjera.
Tërheqja e produkteve të njoftuar këtë javë ka të bëjë me dyqanet që shesin këto produkte. Zyrtarët e FDA thanë se konsumatorët nuk kanë nevojë të ndërmarrin ndonjë veprim të veçantë.
FDA identifikoi këto gjashtë produkte pas testimeve të 95 trajtimeve për akne. Rishikimi i agjencisë u nxit nga raportet e testeve nga laboratorët privatë për nivele të larta benzeneje në disa produkte akneje.
Në vitet e fundit, një gamë e gjerë produktesh të tjera janë tërhequr për nivele benzeneje, përfshirë dezinfektuesit e duarve, aerosolat dhe kremrat mbrojtës nga dielli.
