Televizioni BBC transmetoi pamjet e zjarrit pas aksidentit. Roja bregdetare angleze mori një raport për përplasjen e një tankeri dhe një anije ngarkesash.
Agjencia e Detarisë dhe Rojës Bregdetare njoftoi se një anije është mbytur në brigjet verilindore të Anglisë.
Në deklaratë thuhet: “Anijet e shpëtimit nga Skegness, Bridlington, Maplethorpe dhe Cleethorpes, një avion i Rojës Bregdetare dhe anije të afërta me kapacitet për shuarjen e zjarrit, si dhe një helikopter shpëtimi nga Humberside janë thirrur. Ngjarja është ende në zhvillim e sipër.”
Alarmi për ngjarjen u dha në orën 09:48 të mëngjesit.
BBC njoftoi se tankeri i naftës që u përfshi në përplasje mori flakë.
Shërbimi kombëtar i shpëtimit të Anglisë njoftoi se ka marrë raporte për disa persona që kanë braktisur anijet. Shtypi anglez njoftoi se 32 persona të plagosur janë nxjerrë në breg.
Roja Bregdetare njoftoi se po vlerësojnë ndërhyrjen e mundshme për ndotjen pas përplasjes.
