Udhëheqësit evropianë pasdite do të mblidhen në Londër për samitin vendimtar për luftën dhe sigurinë në Ukrainë. Presidenti Zelenskiy pritet të marrë një premtim për mbështetje nga Starmer dhe liderët e tjerë evropianë.
Kryeministri Britanik Keir Starmer do të jetë nikoqir i samitit të rëndësishëm të liderëve evropianë dhe kanadezë në Londër sot pas dite për të diskutuar mbështetjen për Ukrainën.
Kjo vjen disa ditë pasi presidenti ukrainas Volodymyr Zelensky dhe presidenti amerikan Trump patën një shkëmbim të zjarrtë në Zyrën Ovale
Zelensky – i cili iu bashkua kryeministrit në Downing Street të shtunën – do të takohet me Mbretin Charles sot përpara se të bashkohet me samitin
Udhëheqësi ukrainas ka falënderuar Mbretërinë e Bashkuar për mbështetjen ndaj vendit të tij që nga fillimi i luftës – e cila tani përfshin një hua prej 2.26 miliardë funtesh për furnizimet ushtarake ukrainase.
Kryeministri britanik do të përpiqet të ringjallë shpresën për paqen në Ukrainë në një takim me Volodymyr Zelenskiy dhe liderë të tjerë perëndimorë të dielën, pasi SHBA mund të ndalojë mbështetjen për Ukrainën.
Kryeministri Starmer, do të mirëpresë kryeministren e Italisë Giorgia Meloni presidentin ukrainas Volodymyr Zelensky, presidentin francez Emmanel Macron, kancelari gjerman Olaf Scholz dhe kryeministri i Kanadasë Justin Trudeau.
Krerët e Danimarkës, Holandës, Norvegjisë, Polonisë, Spanjës, Finlandës, Suedisë, Çekisë dhe Rumanisë do të jenë gjithashtu të pranishëm, si dhe ministri i jashtëm i Turqisë.
Sekretari i Përgjithshëm i NATO-s Mark Rutte, presidentja e Komisionit Evropian Ursula Von der Leyen dhe presidenti i Këshillit Antonio Costa janë gjithashtu të ftuar.
Zelenskiy pritet të marrë një premtim për mbështetjeje nga Starmer dhe liderët e tjerë evropianë, të cilët përballen me pyetjen e ashpër nëse mund të marrin përsipër drejtimin në sigurimin e armëve dhe financave të Kievit përpara se të fillojnë ndonjë bisedë paqeje.
Në mungesë të armatimit dhe thellësisë së rezervave të municioneve të Shteteve të Bashkuara, udhëheqësit evropianë kanë shprehur mbështetjeje për Zelenskin, me Gjermaninë që kërkon lirimin e 3 miliardë eurove për Ukrainën.
Të dielën, Starmer do të shpresojë se do të ofrojë mjete më konkrete për të mbështetur Ukrainën dhe për të provuar të ringjallë një marrëveshje të mundshme paqeje me Rusinë, duke bindur Trumpin që Evropa mund të ngrihet për të mbrojtur veten. Disa liderë gjithashtu mund të inkurajojnë Zelenskiy që të kthehet në bisedime me udhëheqësin e SHBA
