Policia e Kosovës kap arsenal të madh armatimi në veri, thirret konferencë e jashtëzakonshme – marrin pjesë ministri Sveçla dhe shefi i Policisë së Kosovës

Do të organizohet një konferencë për media, në të cilën do të shpalosen detaje rreth operacionit policor që u zhvillua në një fshat të Leposaviqit. Realizmi i operacionit policor rezultoi me gjetjen dhe konfiskimin e armëve, municionit, një sasie të eksplozivit dhe uniformave ushtarake, të cilat do të prezantohen për media. Në këtë konferencë do ta marrë pjesë: ministri i MPB-së z. Xhelal Sveçla,  drejtori i përgjithshëm i PK-së kolonel Gazmend HOXHA dhe ZV drejtori i DRP Mitrovicë Veri Veton Elshani.