Qeveria e Kosovës ka ndarë gjysmë milioni euro për ndihmë humanitare në Gaza.
Kryeministri Albin Kurti ka thënë se populli palestinez ka nevojë për mbështetje humanitare si pasojë e luftës dhe që të rindërtojë vendin e tij. Ata kanë nevojë për ndihmën e shteteve të tjera.
Ndërsa, ministri i Financave, Hekuran Murati, ka thënë se mjetet ndahen nga shpenzimet e paparashikuara.
Kërkesa e Ministrisë së Punëve të Jashtme dhe Diasporës ka qenë për ndarjen e mjeteve buxhetore në shumë prej 500 mijë eurosh për ndihmë humanitare në Gaza. Mjetet sipas pikës 1 të këtij vendimi ndahen nga shpenzimet e paparashikuara në programin shpenzime të paparashikuara të kategoria rezerva dhe transferohen në MPJD në kategorinë subvencione dhe transfere”, ka deklaruar ai.
