Ministrja e Drejtësisë, Albulena Haxhiu, ka akuzuar Sami Lushtakun, kryetar i Komunës së Skënderajt, për tentim sulmi ndaj eskortës së kryeministrit të vendit, Albin Kurti.
Haxhiu thotë se Lushtaku, duke përdorur një veturë zyrtare me targa 02Z të Komunës së Skënderajt, i ka prerë rrugën eskortës së Kryeministrit me qëllim për ta sulmuar.
Ministrja po ashtu ka kritikuar disa gazetarë që, sipas saj, kishin ngritur pyetje për përdorimin e veturave zyrtare nga Kryeministri, duke sugjeruar që fokusin ta zhvendosin te veprimet e Lushtakut. Ajo ironizoi, duke thënë se gazetarët duhet ta pyesin Lushtakun “prej cilës pompë të benzinës i ka komanduar huliganët” para se të ndërmerrte veprimet në fjalë.
“Dëgjova që disa gazetarë të Klan Kosovës e kanë pyetur Kryeministrin se po i përdorë veturat zyrtare, ndoshta është mirë me e pyetë Saminë se prej cilës pompë të benzinës i ke komandu huliganët tu, para se të nisesh si i frustruar” shkroi Haxhiu në Facebook.
