Më 25 dhe 26 janar 2025, qyteti i Sankt Gallen ishte nikoqir i turneut tradicional të futbollit te vogel, Muji Kap, e organizuar nga KF Dardania. Ky turne, i cili çdo vit mbledh dashamirët e futbollit nga e gjithë Zvicra, edhe këtë vit rezultoi një sukses i madh dhe një moment unik për komunitetin shqiptar dhe adhuruesit e sportit.
Me pjesëmarrjen e shumë të ftuarve nga media, qeveria dhe showbizi, “Muji Cup” Kf Dardania u shndërrua në një ngjarje që tejkalon kufijtë e futbollit. Në sallë mbizotëroi një atmosferë e zjarrtë me tribuna të mbushura plot, ndeshje emocionuese, rezultate të ngushta dhe gola spektakolar, të cilët vazhdimisht ngritën publikun në këmbë.
Një nga synimet kryesore të Muji Cup” është të bashkojë komunitetin shqiptar dhe të krijojë një platformë për forcimin e lidhjeve dhe unitetit. Programi shoqërues kontribuoi shumë në këtë aspekt: me muzikë live, një grup vallesh të mrekullueshëm dhe tifozë plot pasion, salla u mbush me një atmosferë plot emocione pozitive.
Në finalen dramatike, që ishte jashtëzakonisht emociounuse, “Ge Cet Diht” triumfoi ndaj “Roha Eagles” dhe siguroi fitoren e turneut. Atmosfera fantastike dhe momentet e paharrueshme të kësaj fundjave dëshmuan edhe një herë se përse “Muji Cup” është një pjesë kaq e rëndësishme e kulturës sportive dhe komunitare shqiptare.
KF Dardania në Sankt Gallen falënderon nga zemra të gjithë pjesëmarrësit, ndihmësit dhe mbështetësit dhe mezi pret që edhe edhe turneu i ardhshëm Muji Kap të jetë një takim i paharrueshëm për sportin, kulturën dhe komunitetin.
