Kandidati për kryeministër i Lëvizjes Vetëvendosje në tubimin elektoral që ka mbajtur para mbështetësve të tij në Klinë, ka folur për investimet që janë bërë në këtë komunë. Ai ka thënë se lehonat përfitojnë shtesa e pensionistët e kësaj komune marrin pension me rritje prej 20 për qind.
Kurti në këtë tubim elektoral në të 15 ditë të nisjes, tha se në shtatë rajonet e Kosovës po ndërtojnë çerdhe duke përfshirë edhe Klinën. Ai u ndal tek ndërtimi i hekurudhës Prishtinë -Durrës dhe rehabilitimi dhe funksionalizimi i hekurudhave të tjera në vend.
Kreu i Vetëvendosjes që synon edhe një mandat tjetër qeverisës, në këtë tubim gjithashtu tha se, në bashkëpunim me komunën kanë përmirësuar infrastrukturën dukshëm, kanë investuar miliona euro në përmirësimin e cilësisë së ujit, duke e bërë atë të pijshëm për banorët e Klinës, si dhe investime të tjera që janë bërë në Klinë.
