Presidentja e Kosovës, Vjosa Osmani, ka deklaruar se Kosova mezi pret të punojë me Marcio Rubion, pak orë pasi ai u konfirmua sekretar i Shtetit në Shtetet e Bashkuara të Amerikës.
Presidentja, Vjosa Osmani, ka theksuar se Kosova mezi pret të punojë me Rubion në forcimin e aleancës, promovimin e vlerave të përbashkëta dhe adresimin e sfidave të kohës sonë së bashku.
“Në emër të popullit të Kosovës, ju uroj sukses në këtë rol të rëndësishëm”, ka shkruar ajo në “X”, postim të cilin e ka shoqëruar me një fotografi nga një takim i mëhershëm me Rubion.
Rubio u bë i pari i nominuar i Donald Trumpit që mori konfirmim nga Senati.
Rubio konsiderohet se e njeh situatën në Kosovë dhe ka realizuar takime me zyrtarë shtetërorë që nga 2018-a.
