Kryeministri i Kosovës, Albin Kurti ka qëndruar gjatë ditës së sotme në Prizren dhe ka vizituar familjen e veteranit të UÇK-së Hasan Dakaj, i cili është liruar nga burgu i Serbisë pasi ka qenë i burgosur padrejtësisht.
Sipas, kryeministrit Kurti familja Dakaj është dëshmi e dhembjes dhe qëndresës së popullit të Kosovës pasi gjatë luftës së fundit kanë humbur antarë të familjes si pasojë e masakrave serbe.
“Dje në Korishë të Prizrenit vizituam familjen e veteranit të Ushtrisë Çlirimtare të Kosovës, Hasan Dakaj, i cili u lirua së fundmi nga burgu i Serbisë, pas burgimit të padrejtë atje për plot një vit.
Familja Dakaj është dëshmi e dhembjes dhe qëndresës së
popullit tonë. Gjatë luftës, Hasani humbi vëllanë, Përparimin dhe gjyshen e tij, Hajrijen. Nëna e tij, Emine Dakaj, mbijetoi me plagë të rënda, duke humbur njërën këmbë.
Duke nderuar trashëgiminë e luftës dhe sakrificat për liri, angazhohemi për një të ardhme të ndritur për Republikën!”, ka bërë të ditur kryeministri Kurti përmes një postimi në facebook.
