Zëvendësministrja e e shëndetësisë Dafina Gexha-Bunjaku e cila është edhe kandidate pwr deputete nga radhwt e Lëvizjes Vetëvendosje ka vizituar shkollën e mesme të mjekësisë “Hysni Zajmi” në Gjakovë.
Gexha-Bunjaku së bashku me familjen e saj e me punonjës të arsimit gjakovar ka kujtuar vëllaun e saj martir Arben Gexha i cili ishte mësues i kësaj shkolle që u vra me 10 maj 1999 nga forcat kriminale serbe.
Kandidatja për deputete ka thënë se Arben Gexha ka punuar edhe me Misionin e Verifikimit të OSBE-së, ndër tjera kishte qenë përkthyes kur kishte ndodhur masakra e Reçakut.
Më poshtë statusi i plotë i znj. Gexha-Bunjaku:
Sot, me nënën time Myzejenën, motrën time Vlorën, me nënën Lule e Arjetën, me familjarë, me nxënës e punonjës të arsimit gjakovar, ishim në shkollën e mesme të mjekësisë “Hysni Zajmi” në Gjakovë. Në këtë shkollë, në vitin 1997, vëllau im, Arbeni, e nisi punën si profesor i gjuhës e letërsisë angleze. Këtu Arbeni e nisi ëndrrën e tij për të qenë punonjës i arsimit, për të ndjekur hapat e nënës, mësueses Myzejene e të babait, prof. dr. Qamil Gexhës.
Krahas punës në shkollë, nga viti 1998, Arbeni ka punuar edhe me Misionin e Verifikimit të OSBE-së, ndër tjera edhe në Reçak.
Ëndërra e Arbenit, sikurse edhe të dhjetra mijëra shqiptarëve, u pre në gjysëm. Më 10 maj 1999, Serbia e vrau Arbenin.
Prej sot, martirët e dëshmorët e kësaj shkolle, profesorët: Gjergji e Arbeni, nxënësit: Haxhiu, Luani, Besniku, Bujari e Visari do të jenë të përjetësuar në murin e kujtimit të kësaj shkolle. Fotot e tyre, rreth flamurit kombëtar, do të shërbejnë si kujtim për të kaluarën tonë të dhimbshme, burim krenarie e frymëzim për të ardhmen.
Lavdi martirëve e dëshmorëve të Kosovës!
