Në prag të festave të fundvitit janë rikthyer kolonat dhe pritjet e gjata të bashkatdhetarëve në vendkalimet kufitare të Kosovës me Serbinë.
Bashkatdhetarët që kanë mësyrë Kosovën t’i kalojnë festat e fundvitit, sipas Qendrës Kombëtare për Menaxhimin Kufitar (raporti im orës 19:03), po përballen me pritje deri në dy orë e gjysmë në dy vendkalimet kufitare të Kosovës me Serbinë.
Në vendkalimin kufitar te Dheu i Bardhë, për të hyrë në Kosovë po pritet deri në dy orë e gjysmë, kurse kolona e automjeteve në anën serbe është 1.5 km. Ndërsa, në Merdar bashkatdhetarët po presin deri në dy orë për të hyrë në shtetin tonë.
Në vendkalimet e tjera kufitare të Kosovës me Serbinë dhe vendet e tjera fqinje nuk ka pritje të gjata në vendkalimet kufitare.
Qytetarët mund të informohen në kohë reale mbi gjendjen në kufi, duke klikuar KËTU.
