Një ngjarje ka ndodhur në Gjilan, më 7 dhjetor 2024, rreth orës 22:00.
I dyshuari, mashkull kosovar, nuk është ndalur në pikën e kontrollit të njësitit policor, duke u larguar me shpejtësi.
Gjatë përpjekjes për t’u arratisur, ai ka shkaktuar një aksident, por ka arritur të largohet nga vendi i ngjarjes në drejtim të pa njohur.
Policia, gjatë kontrollimit të veturës së llojit Golf me targa vendore, ka gjetur dhe sekuestruar substancë të dyshuar narkotike, të llojit marihuanë, me peshë 18.7 gram, e ndarë në nëntë (9) paketime. Po ashtu, janë sekuestruar edhe para të gatshme.
Për rastin është njoftuar Prokurori dhe hetimet janë në vazhdim.
Policia e Kosovës është duke punuar për identifikimin dhe kapjen e personit të dyshuar.
