Në mesin e 50 oficerëve nga 10 shtete të ndryshme të botës ishte edhe oficeri i Ushtrisë së Kosovës, Durim Behluli i cili përfundoi Kursin e Kapitenit të Karrierës për Artileri të realizuar në Shkollën e Artilerisë Fushore në Oklahoma, të Shteteve të Bashkuara të Amerikës.
Qëllimi i këtij kursi sipas FSK-së, është përgatitja e oficerëve për detyrat si oficer shtabor në nivel batalioni-brigade dhe komandantë të baterive të artilerisë.
Siç ka bërë të ditur Forca e Sigurisë së Kosovës e cila ka shpërndarë edhe fotografi nga kjo arritje e oficerit kosovar, kursi ishte i ndarë në disa module sikurse doktrina e përgjithshme e operacioneve dhe trajnimeve, planifikimi i mbështetjes me zjarr, kontrollimi i zjarrit, planifikimi i operacioneve të batalionit të artilerisë dhe bateria e artilerisë.
“FSK po ngrit kapacitetet e saj me standardet më të larta dhe në shkollat më prestigjioze në botë”, thuhet në njoftimin e Forcës së Kosovës.
