Ministri i Punëve të Brendshme, Xhelal Sveçla, ka pritur sot në takim drejtorin e ri të Policisë së Shqipërisë Ilir Proda, i cili vizitën e parë zyrtare e realizoi në Kosovë.
Sveçla ka shkruar në Facebook se në takim mes tjerash është diskutuar për sukseset e përbashkëta të dy shteteve si rezultat i bashkëpunimit të Policisë së Kosovës me atë të Shqipërisë.
“Bashkë me Drejtor Ilirin dhe ekipin e tij, Drejtorin e Policisë së Kosovës Gazmend Hoxha dhe Zëvëndësdrejtorin Fehmi Hoti biseduam për sukseset e vazhdueshme që vijnë si rezultat i bashkëpunimit të ngushtë të dy policive tona” ka shkruar ai.
“Qëllimet për sundim të rendit e ligjit dhe ofrimit të sigurisë për qytetarët tanë e vendeve tona janë të përbashkëta dhe në këtë drejtim do të punojmë pandalshëm”, ka përfunduar ministri Sveçla.
