Një zyrtar policor jashtë detyrës, është plagosur në Fushë Kosovë si kalimtar rasti nga dy grupe që kishin mosmarrëveshje në mes vete.
Policia ka njoftuar se viktima është dërguar për tretman mjekësor në QKUK, teksa lidhur me rastin janë intervistuar dy të dyshuar.
“Lidhur me rastin, janë intervistuar dy të dyshuar të cilët janë liruar në konsultim me prokurorin, ndërsa një i dyshuar tjetër është arratisur nga vendi i ngjarjes”, thuhet ne raportin 24-orësh të PK-së.
Njësitet policore me urdhër të prokurorit kanë kryer bastisje në lidhje me rastin, por nuk kanë gjetur asgjë të dyshuar.
Tutje bëhet e ditur se në konsultim me prokurorin, rasti është inicuar si “Vrasje në tentativë , shkaktim i rrezikut të përgjithshëm, kanosje dhe armëmbajtje pa leje” , ndërsa njësitet policore janë duke hetuar rastin.
