Policia e Kosovës ka njofton se gjatë 24-orëve të fundit në rajonin e Prishtinës janë raportuar tri raste të dhunës në familje.
Siç bëhet e ditur në raportin 24-orësh të PK-së, dy raste kanë ndodhur në Prishtinë, dhe një rast tjerër në Fushë-Kosovë.
Në rastin e parë, në Prishtinë është arrestuar një burrë pasi dyshohet se kishte sulmuar fizikisht bashkëshorten e tij.
“Prishtinë 09.11.2024 – 23:00. Pas një mosmarrëveshje dyshohet se viktima/f/k është sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor, ndërsa i dyshuari është arrestuar dhe me vendim të prokurorit është dërguar në mbajtje”, thuhet në raport.
Një rast tjetër i dhunës në familje po ashtu është raportuar të shtunën në Prishtinë.
“Prishtinë 09.11.2024 – 16:20. Është raportuar se ankuesi m/k pas një mosmarrëveshje me djalin e tij të dyshuarin mashkull kosovar, i njëjti ka thyer telefonit dhe ka dëmtuar një orman dhe më pas është larguar në drejtim të pa njohur. Rasti është duke u hetuar”, thuhet në raportin e plotë të PK-së.
Kurse, në Fushë-Kosovë është arrestuar një burrë në Fushë-Kosovë pasi që i njëjti dyshohet se pas një mosmarrëveshje ka kanosur dhe ofenduar gruan me të cilën ka bashkëjetuar.
“Fushë Kosovë 08.11.2024-17:00. Është arrestuar i dyshuari mashkull kosovar pasi që i njëjti pas një mosmarrëveshje ka kanosur dhe ofenduar viktimën femër kosovare me të cilën ka bashkëjetuar. Pas intervistimit, me vendim të prokurorit i dyshuari lirohet në procedurë të rregullt”, thuhet në raport
