Nesër në Bruksel pritet të mbahet takimi i radhës ndërmjet Kosovës dhe Serbisë në nivel të kryenegociatorëve.
Lidhur me takimin e nesërm ka folur edhe zëdhënësi i Bashkimit Evropian, Peter Stano.
Në një konferencë për media, ai ka thënë se temë do të jetë çdoherë siç ka qenë edhe më herët Marrëveshja e Ohrit.
“Agjenda është si ka qenë në të kaluarën që urgjentisht të startohet me implementimin e Marrëveshjes së Ohrit, dhe për nevojën që të dyja palët të bien dakord që të arrihet progres në dialog”, ka thënë Stano.
Ndërsa për takim trilateral, Stano është shprehur se nëse do të ketë takim trilateral varet në vullnetin e palëve.
