Më në fund, për Kylian Mbappen ka ardhur një lajm i mirë.
Pas skandalit që u përfshi në javët e fundit për përdhunimin e një gruaje në Suedi, ylli francez më në fund ka arsye të buzëqesh.
25 vjeçari është zgjedhur sot “Futbollisti i Muajit” shtator në Real Madrid falë formës së shkëlqyeshme që e shfaqi në muajin e kaluar,
Ish-futbollisti i Monacos dhe i Paris Saint-Germainit i shënoi gjashtë gola në pesë ndeshje në shtator, të cilat ia mundësuan ta fitojë këtë çmim prestigjioz që ndahet nga klubi.
Duke folur për faqen zyrtare të klubit, përfaqësuesi francez i falënderoi tifozët e Realit dhe u zotua se do të mundohet ta ndihmojë ekipin që t’i fitojë ndeshje dhe ta fitojë rregullisht këtë çmim.
“Jam mjaft i lumtur dhe mirënjohës ndaj tifozëve të Real Madridit. Është nder të jem lojtari i muajit. Gjëja më e rëndësishme është t’i fitojmë ndeshjet gjatë këtij muaji dhe të jem në gjendje ta fitoj përsëri këtë çmim”, deklaroi Mbappe.
