Policia e Kosovës ka njoftuar se të shtunën në Pejë ka ardhur deri te një rrahje mes shtatë personave.
Në raportin 24-orësh të Policisë thuhet se në këtë përleshje janë përdorur mjete të forta, ndërsa është thënë se afër ishin edhe dy zyrtarë policorë jashtë detyre që kanë intervenuar dhe gjatë intervenimit njëri nga ta ka pësuar lëndime në dorë.
Policia ka njoftuar se ka arrestuar katër të dyshuar, të cilët pas intervistimit janë liruar në procedurë të rregullt.
“Pejë 12.10.2024 – 22:00. Është raportuar se janë përfshirë në një rrahje rreth 7 persona të dyshuar, njëri nga të dyshuarit kishte përdorur një mjetë të fortë për të sulmuar personat e pranishëm, në vendin e ngjarjes kanë qenë të pranishëm/afër dy zyrtar policor, jashtë detyrës zyrtare të cilët kanë intervenuar, gjatë intervenimit njëri nga zyrtarët policor ka pësuar lëndime të lehta trupore në dorë. Të dyshuarit kanë pësuar lëndime të lehta trupore, të njëjtit kanë pranuar tretmanin mjekësor. Katër dyshuar meshkuj kosovarë janë arrestuar, pas intervistimit me vendim të Prokurorit të dyshuarit lirohen në procedurë të rregullt. Rasti nën hetime”, thuhet në raportin e Policisë.
