Një person është arrestuar nën dyshimin se pas një mosmarrëveshje e ka kanosur viktimën duke shtënë me armë zjarri në tokë.
Në raportin 24 orësh të Policisë, thuhet se rasti ka ndodhur të martën rreth orës 22:15 në Fushë-Kosovë dhe është iniciuar si “Kanosje me armë zjarri”.
“Është arrestuar i dyshuari mashkull kosovar, pasi që i njëjti dyshohet se pas një mosmarrëveshje kishte kanosur viktimën mashkull kosovar duke shtënë me armë zjarri një herë në tokë. Në vendin e ngjarjes është gjetur dhe konfiskuar një pistoletë me pesë copë fishekë dhe një gëzhojë. Palët janë intervistuar dhe me vendim të prokurorit, i dyshuari është dërguar në mbajtje”, thuhet në njoftim.
