Kryeparlamentari, Glauk Konjufca ka deklaruar se heroi i Kosovës, Afrim Bunjaku do të kujtohet përgjithmonë.
Konjufca u shpreh se Bunjaku ka dhënë shembullin më të vyer se kur rrezikohet dhe kërcënohet atdheu, duhet të jepet edhe jeta.
“Afrim Bunjaku është heroi i cili ra heroikisht në mbrojtje të sovranitetit dhe të paprekshmërisë territoriale. Ai e dha shembullin më të vyer se kur atdheu rrezikohet dhe kërcënohet, se si duhet të jepet jeta dhe se si duhet të vetmohohet individi për të mirën e përgjithshme, për lirinë tonë e cila duhet të kultivohet pa ndërprerë prej të gjithë ne, prandaj ai e la shembullin më të vyer edhe për vëllezërit e motrat e tij që vazhdojnë detyrën në Policinë e Republikës së Kosovës se si duhet të veprojë njeriu në momentet vendimtare, kur e kërkon shteti dhe Republika. Do ta kujtojmë gjithmonë, ashtu siç e kujtojmë edhe Enver Zymberin, i cili ra për të njëjtën arsye.Lavdi heronjve”, deklaroi Konjufca.
