Një i mitur i cili ishte duke u trajtuar në Qendrën Klinike Universitare të Kosovës (QKUK) pas një rrëzimi në shtëpinë e tij, ka ndërruar jetë të mërkurën.
Rasti ka ndodhur më 16 shtator, dhe më 18 shtator, viktima ka humbur jetën si pasojë e lëndimeve të marra.
Në përputhje me vendimin e prokurorit, trupi i pajetë është dërguar në Institutin e Mjekësisë Ligjore (IML) për të kaluar nëpër procesin e obduksionit.
“Malishevë 16.09.2024-14:00. Është raportuar se viktima mashkull kosovar, i mitur i cili ishte duke u trajtuar në QKUK si pasojë e lëndimeve të marra pasi ishte rrëzuar në shtëpinë e tij sot me datën 18.09.2024 ka ndërruar jetë. Me vendim të prokurorit trupi i pa jetë është dërguar në IML për obduksion”, thuhet në njoftimin e Policisë se Kosovës.
Policia e Kosovës ka nisur hetimet për të zbardhur rrethanat e këtij incidenti.
