Policia e Kosovës ka njoftuar se ka arrestuar një i dyshuar pasi që ka goditur me thikë një burrë në oborrin e Emergjencës në Gjilan.
Sipas raportit ditor të PK-së thuhet se viktima si pasojë e lëndimeve të rënda është transportuar në Qendren Klinike Universitare të Kosovës [QKUK] për tretman mjekësorë.
“Rr. “7 Shatori”-Gjilan,17.09.2024-23:30. Është arrestuar i dyshuari mashkull kosovar pasi që i njëjti e kishte goditur me mjet të mprehtë-thikë viktimën mashkull kosovar në oborrin e Emergjencës në Gjilan. Si pasojë e lëndimit të rëndë, viktima është transportuar në QKUK-së për tretman mjekësorë. Pas intervistimit, me vendim të prokurorit kujdestar i dyshuari është dërguar në qendrën e mbajtjes”, thuhet në raport.
