Eksperti i strategjisë së mbrojtjes së NATO-s, Thomas Theiner, ka deklaruar se mbrëmë presidenti serb, Aleksandar Vuçiq, e ka marrë një mesazh të qartë nga ana e aleancës nëse e sulmon Kosovën.
Theiner ka treguar se çka do të ndodhte nëse Serbia do të sulmonte Kosovën.
“Mbrëmë oficerët e Shtabit të Përgjithshëm të Serbisë i shpjeguan presidentit Vuçiq se nëse ai urdhëron ta sulmojë Kosovën, avionët e NATO-s brenda disa orësh do t’i bombardonin forcat serbe dhe brenda 48 orësh Brigada Ajrore 173 e Ushtrisë Amerikane do të zbarkojë në Aeroportin e Prishtinës dhe Brigada e Parashutistëve të Ushtrisë Italiane “Folgore” do të zbarkojnë në Aeroportin e Gjakovës (të cilin ushtria italiane e ndërtoi për këtë qëllim)” – tha Theiner.
Ai madje theksoi se me këtë rast do të mobilizohej edhe flota dentare italiane.
“Një ditë më pas Brigada e Mekanizuar e Ushtrisë Italiane “Pinerolo” e cila është vendosur në Bari do të ankorohej nga Divizioni i 3-të Detar i Marinës Italiane me anijet e tij amfibe nga Brindisi në Durrës brenda 2 ditëve. Nga Durrësi në Mitrovicë, me anijet “Freccia IFV” me rrota të Pinerolo-s dhe shkatërruesve të tankeve Centauro u duhen 6 orë falë autostradës A1 të bashkëfinancuar perëndimore”,tha ai.
Eksperti i NATO-s tha se Aleanca Veriatlantike që 23 vjet trajnohet për ta mbrojtur Kosovën në raste të tilla.
“Shkurt: NATO ka 23 vjet që planifikon dhe trajnohet për ta mbrojtur Kosovën; nëse serbët ndonjëherë shkojnë ta ballafaqojnë NATO-n”- shtoi eksperti italian.
Ai madje tha se kjo do të merrte fund “në ajër brenda pak orësh dhe në tokë brenda pak ditësh”.
“Dhe NATO u siguria që gjeneralët e Serbisë ta dinë këtë, por Vuçiq është një klloun”,theksoi ai./Lajmi.net/
