Një 30-vjeçare ka rrezikuar seriozisht shëndetin e saj, pasi aksidentalisht kishte aspiruar një gjilpërë, e cila kishte depërtuar në rrugët e frymëmarrjes, duke i shkaktuar vështirësi të mëdha për të marrë frymë.
Shërbimi Spitalor Klinik dhe Universitar i Kosovës, ka njoftuar se ekipa kujdestare e Klinikës së Pulmologjisë, ka arritur të largoj gjilpërën përmes aparaturës.
“Me të parë gjendjen e pacientes, ekipa kujdestare e Klinikës së Pulmologjisë, ishte mobilizuar, dhe përmes aparaturës së bronkoskopisë, arrihet të largohet gjilpëra, që kishte shkaktuar vështirësi dhe pengesa në frymëmarrje”, thuhet në njoftimin e ShSKUK-së.
ShSKUK bën apel për kujdes të shtuar në situata të tilla, duke theksuar: “Apelojmë tek qytetarët që të jenë të kujdesshëm për të shmangur rreziqe të tilla për shëndetin.”
