Lidhur me ngjarjet e fundit në vend, përmes një statusi në faqen e tij në Facebook, ka reaguar kryetari i Lidhjes Demokratike të Kosovës, Lumir Abdixhiku, i cil ka thënë se mbështet institucionet e vendit për reciprocitetin dhe dënon sulmin ndaj policisë dhe forcave të sigurisë.
“Mbështesim angazhimin e institucioneve të Kosovës për shtrirjen e ligjshmërisë në gjithë territorin e Republikës. Reciprociteti është e drejtë e çdo shteti sovran.
Dënojmë sulmin ndaj Policisë së Kosovës dhe forcave të sigurisë që ushtrojnë detyrën e tyre kushtetuese në veri të vendit. Mbështetja për ta është domosdoshmëri.
Koordinimi me aleatët tanë ndërkombëtarë në parandalimin e çfardo provokimi nga Serbia brenda territorit të Kosovës është esencial. Në këto momente, Kosovës i duhet stabilitet, ligjshmëri dhe siguri”, ka shkruar Abdixhiku në profilin e tij.
