Pas një video që po qarkullon nëpër rrjetet sociale por ende nuk dihet nëse videoja është autentike ku futbollisti i Kombëtares Shqiptare Mirlind Daku degjohet duke bërtitur me megafon para tifozëve “q..sha maqedont” ka reaguar Federata e Futbollit të Maqedonisë Veriore.
Federata e Maqedonisë së Veriut i ka kërkuar Mirlind Dakut të kërkojë falje publike për fyerjet e popullit maqedon në përfundimin e ndeshjes Kroaci-Shqipëri të mërkurën.
Federata e Maqedonisë së Veriut ka thënë se i dënon brohoritjet e sulmuesit të kombëtares shqiptare.
“Shprehim shqetësimin tonë të thellë dhe dënimin pa mëdyshje lidhur me thirrjet nacionaliste të përfaqësuesit të Shqipërisë, Mirlind Daku drejtuar kundër shtetit maqedonas pas ndeshjes së djeshme ndërmjet Kroacisë dhe Shqipërisë në Kampionatin Evropian. Sjellja është e papranueshme dhe në kundërshtim me vlerat bazë të sportit dhe respektit të ndërsjellë që promovon futbolli”, thuhet në reagimin e Federatës së Futbollit të Maqedonisë.
“I bëjmë thirrje futbollistit shqiptar Mirlind Daku që të kërkojë falje publike për sjelljen e tij, duke njohur dëmin që ka shkaktuar”, thuhet ndër të tjera në reagimin e Federatës së Futbollit të Maqedonisë së Veriut, që udhëhiqet nga Muamed Sejdini.
Federata e Maqedonisë së Veriu për këtë gjest të Mirlind Dakut ka thënë se do t’i dërgoi një letër zyrtare UEFA-s për këtë sjellje skandaloze, dhe u ka bërë thirrje institucioneve përkatëse që ta hetojnë këtë incident.
“Parimet politike janë të përfshira në rregulloret e shoqatave ndërkombëtare si FIFA dhe UEFA. Federata e Futbollit të Maqedonisë do t’i dërgojë një letër zyrtare UEFA-s për këtë sjellje skandaloze”
