Kryetari i Komunës së Pejës e cila udhëhiqet nga LDK-ja Gazmend Muhaxheri mbrëmë në një emision televiziv ka bërë një deklaratë skandaloze dhe shokuese karshi shtetit dhe Qeverisë së Kosovës.
Ai në emisionin Click në RTV 21 ka krahasuar veprimet e qeverisë së Kosovës në veri me ato të regjimit të Millosheviçit karshi shqiptarëve që kishte bërë dikur.
Deklaratat e Muhaxherit janë edhe më shokuese kur spekulon se armët dhe uniformat në veri të cilat janë kapur nga policia e Kosovës mund të jetë një skenar i organizuar nga qeveria qeveria Kurti duke i vendosur armët dhe uniformat vetë nëpër lokacione të caktuara dhe pastaj i ka konfiskuar për tua lënë fajin serbëve, raporton KosovaNews.
I çakorduar dhe tërësisht jasht kontrolle Muhaxheri përdor shprehje naive dhe të gabuara, ku në vend të fjalës konfiskim përdor shprehjen arrestim pra kur e ka fjalën për armët dhe sendet tjera të konfiskuara nga Policia e Kosovës.
“ Veprimet në veri nuk kanë qenë veprime të logjikshme të një shtetari që don me bë zgjidhje për vendin do të thotë me shumë i ka krijuar probleme Kosovës dhe vetës sesa që ka bërë ndonjë zgjidhje.
“Unë po e them të njejtën gjë, si është e mundur me arrestu armë sende municione kurrë njeri. Kjo është dilema ime dhe nuk mundem me ma hek askush pa asnjë informatë, por si njeri që analizon qysh është e mundur që tana here, po ke informata po i arreston, kur nuk po e arreston asnjë njeri, Unë po besoj që është një marrëveshje ose i qet ti armët vet ose ti qet ty dikush armët dhe thotë shko merri qaty jonë do armë. Unë veç po spekuloj diçka nuk është në rregull në këtë punë që ti me zanë armë me bë kësi”
Muhaxheri përsëri insiston shprehjen “ kanë arrestu sende dhe municione” duke thënë se veprime të tilla ka bërë pushteti i atëhershëm jugosllav duke inskenuar ngjarje të tilla dhe pastaj ka arrestuar grupe ilegale.
“Unë mundem me ta sillë në politikën e mëhershmë, kur pushteti i atëhershëm Jugosllav sa herë dush ka arrestu grupe ilegale, ka arrestu sende ose mbas asajna ka kriju probleme që i kanë konvenu pushtetit” ka thënë ndër të tjera Muhaxheri.
