Është vrarë të martën kryetarja e qytetit Cotija të Meksikës, Yolanda Sanchez, vetëm pak orë pasi shteti po festonte zgjedhjen e Claudia Sheinbaum për presidenten e parë grua.
Sanchez e kishte udhëhequr qytetin që nga shtatori i vitit 2021.
Ajo ishte gruaja e parë që ishte zgjedhur për këtë post, raporton BBC.
Përhapja e dhunës ndaj politikanëve i ka lënë nën hije zgjedhjet e përgjithshme të Meksikë, në të cilat dy gra garuan për postin më të lartë të vendit.
Raportohet se Sanchezit i është zënë prita nga sulmuesi në qendër të Cotijas, të hënën.
Mediat lokale raportojnë se ajo ishte qëlluar 19 herë dhe ka vdekur në spital pak pas sulmit. Truproja e saj është vrarë po ashtu.
Asnjë arrestim nuk është bërë në lidhje me sulmin, mirëpo supozohet se sulmuesi i përket një grupi të krimit të organizuar.
Sanchez raportohet se kishte marrë disa herë kërcënime me vdekje, prej që ishte vënë në krye të detyrës, në shtator të vitit 2021.
