Kryeprokurori i Prokurorisë Themelorë në Prishtinë, Zejnullah Gashi tha se janë arrestuar shtatë persona për rastin “AlbKings”.
Ai tha se bashkë me Policinë e Kosovës kanë ndërmarrë veprimet për të zbuluar personat e përfshirë në këtë rast dhe më pas edhe janë arrestuar.
Sipas tij, ky rast ka qenë delikat dhe se ende janë në fazën e hetimeve.
“Kjo konferencë është organizuar që të informojmë opinionin lidhur me rastin Albkings. Ju njoftojmë se kemi arritur me sukses të gjurmojmë, zbulojmë dhe të arrestojmë të gjithë kryerësit e veprës penale të vjedhjes së identitetit. Andaj falë bashkëpunimit me qytetarët kemi arritur qe kërë rast delikat t’i arrestojmë brenda një afati të shkurtër kohor”, ka njoftuar ai.
Në konferencë për media u bë e ditur se përfundimisht ky grup është mbyllur edhe pse disa herë ishte rihapur pas mbylljes.
