Një zyrtar i lartë izraelit ka thënë se pret që lufta kundër Hamasit në Gaza të vazhdojë të paktën deri në fund të vitit. Ndërkohë, Organizata Botërore e Shëndetësisë paralajmëroi se spitali i fundit në Rafah është para kolapsit ndërsa një sulm i plotë nga trupat izraelite mund të çonte në mbylljen e tij duke shkaktuar një numër të madh vdekjesh.
“Luftat në Gaza do të vazhdojnë edhe për të paktën shtatë muaj të tjerë”, ka deklaruar këshilltari i kryeministrit izraelit për sigurinë kombëtare, Tzachi Hanegbi, për radion publike Kan të Izraelit.
Ai shoti se ushtria izraelite ka marrë kontrollin e 75% të zonës tampon përgjatë kufirit Gaza-Egjipt, ndërsa vazhdon sulmin në qytetin jugor Rafa.
Banorët e qytetit ndërkohë raportuan shumë sulme ajri, ndërsa në tokë njësitë e tankeve kanë kryer operacione në zonat qendrore dhe perëndimore përpara se të tërhiqeshin.
Organizata Botërore të Shëndetësisë paralajmëroi gjithashtu se spitali i fundit i Rafah është para kolapsit ndërsa një “inkursion i plotë” nga trupat izraelite mund të çonte në mbylljen e tij duke shkaktuar një numër të madh vdekjesh.
Forcat izraelite njoftuan të martën se po operojnë në mënyrë “shumë precize” kundër batalioneve të mbetura të Hamasit në Rafah, nga ku më shumë se një milion palestinezë janë larguar gjatë tre javëve të fundit.
Ndërkohë SHBA janë shprehur se nuk besojnë se tani ështe duke u zhvilluar “një operacion i madh tokësor”, i cili mund të shkaktonte një ndryshim në politikën e saj rreth ndihmës ushtarake përIzraelin.
Izraeli ka këmbëngulur se duhet ta marrë qytetin Rafah për të arritur fitoren në luftën e shkaktuar nga sulmi i paprecedentë i Hamasit më 7 tetor, që vrau rreth 1200 njerëz, ndërsa rrëmbeu 252 të tjerë.
Të paktën 36,170 njerëz janë vrarë në të gjithë Gazën që nga fillimi i konfliktit, sipas ministrisë së shëndetësisë së drejtuar nga Hamasi.
