Dy oficerë burgu janë vrarë pas një sulmi në një autokolonë që mbante një të burgosur – me të dënuarin që thuhet se është në arrati.
Tre persona të tjerë janë plagosur rëndë pas raportimit të “sulmit me makinë” në një autostradë në Incarville në rajonin Eure në Francën veriperëndimore, shkruajnë mediat e huaja.
Siç thuhet më tej, disa burra përdorën dy automjete për të synuar autokolonën, ka thënë një burim policor për agjencinë franceze të lajmeve AFP.
I arrestuari i arratisur është një burrë i quajtur Mohamed.
Ai ishte paraqitur para një gjykatësi këtë mëngjes i akuzuar për tentativë vrasjeje.
Sulmi në furgonin e burgut ndodhi ndërsa ai po transportohej përsëri në burg në Evreux.
I burgosuri i arratisur iku me ata që sulmuan kolonën të martën, raporton Le Parisien.
Gerald Darmanin, ministri i Brendshëm i Francës, ka thënë se “disa qindra oficerë policie” janë vendosur për “të gjetur këta kriminelë”.
Një nga automjetet e përdorura për të synuar kolonën u gjet i djegur në një vend që nuk u specifikua nga burimi i policisë që foli për AFP.
Ndërkohë ministri francez i drejtësisë Eric Dupond-Moretti ka thënë se “një autokolonë burgu u sulmua në Eure. Dy nga oficerët tanë të burgut kanë vdekur, tre janë plagosur rëndë”.
