Në Shtime mbahet gara “MX Race Vjosa”, triumfon kampioni Arbenit Beqiraj nga Suhareka

Motoristët e Shtimes në bashkëpunim me Komunën e Shtimes dhe Federatën e Motoçiklizmit te Kosoves të dielën organizuan gara në këtë sport, në pistën e re e bërë enkas për këtë sport.
Garën nga afër e ndoqi edhe kryetari i Komunës së Shtimes, Qemajl Aliu, cili përgëzoi të gjithë pjesëmarrësit në këtë garë.
“Motocrossi si sport aktiv në Komunën ofron sfidë dhe emocion për të gjithë entuziastët e motorëve.
Andaj, jam i lumtur që ndoqa nga afër shfaqjen e jashtëzakonshme të aftësive dhe guximit, si burim argëtimi për pasionantët e këtij sporti në Shtime.
Gëzohemi që kemi mundësuar këtë përvojë të mrekullueshme që na dallon si lokalitet dhe natyrisht do të vazhdojmë me përkrahje për sportin dhe aktivitetet që në përgjithësi e gjallërojnë shpirtin rinor dhe sportiv tek ne”, tha Aliu.
Në këtë garë morën pjesë mbi 45 garues dhe pas përfundimit të garës, u shënuan këto rezultate sipas kategorive:
MX Super Junior: Vendi i parë Advan Bruti, vendi i dytë Jon Spahiu dhe vendi i tretë Rrezart Vogliqi.
MË Junior: Vendi i parë Tigran Kurtbogaj, vendi i dytë Illkan Saiti, dhe vendi i tretë Mal Shahini.
MË 3 HOBBY: Vendi i parë Berat Rexhepi, vendi i dytë Shkodran Zeneli dhe vendi i tretë Endrit Kastrati.
MX 2: Vendi i parë Valmir Tahiri, vendi i dytë Behar Rexhepi, dhe vendi i tretë Agron Kelmendi.
MX 1: Vendi i parë Arbenit Beqiraj, vendi i dytë Blerim Aliu dhe vendi i tretë Eurolind Morina.
Me këtë rast kryetari Aliu dhe Drejtoresha për Kulturë Rini e Sport, Albana Fazliu, uruan të gjithë fituesit e kësaj gare duke u ndarë mirënjohje dhe kupa.