Një person i katërt është shëruar nga HIV, thonë mjekët, raporton SkyNews.
Pacienti, një 66-vjeçar që dëshiron të mbetet anonim, u shërua nga virusi rastësisht pasi mori një transplant të qelizave staminale për të trajtuar leukeminë.
Tre vjet e gjysmë më parë, mjekët vendosën se duhej të zëvendësonin qelizat e tij kancerogjene të gjakut me një donator, i cili ndodhi që ishte rezistent ndaj HIV-it.
66-vjeçarit, i cili po përmendet si pacienti i “Qytetit të Shpresës”, tha në deklaratën e tij: Kur u diagnostikova me HIV në 1988, si shumë të tjerë, mendova se ishte një dënim me vdekje. Nuk e kisha menduar kurrë se do të jetoja deri në ditën që nuk do të kisha më HIV”.
Ai është pacienti më i vjetër, një nga katër deri më tani, që besohet se është shëruar në këtë mënyrë.
I pari ishte “pacienti i Berlinit” Timothy Ray Brown, në 2007.
Në fillim të këtij viti, mjekët në Nju Jork raportuan se kishin shëruar gruan e parë nga HIV në të njëjtën mënyrë.
Presidenti i zgjedhur i Shoqatës Ndërkombëtare të Sidës (IAS) e përshkroi kurën si “grali i shenjtë” dhe pohoi se ofron “shpresë dhe frymëzim të vazhdueshëm” për njerëzit që jetojnë me HIV.
Shkencëtarët besojnë se funksionon sepse donatorët jo HIV pozitiv nuk kanë receptorët e përdorur nga HIV për të infektuar qelizat./albeu.com
