Radarët e Policisë së Kosovës kanë regjistruar sot një person duke lëvizur më shpejtësi të madhe prej 206 km/h.
Kjo ka shtyrë policinë që drejtuesit të veturës t’i shqiptoj një dënim goxha të ashpër.
“Në zonën ku kufizimi i shpejtësisë është 100 km/h identifikohet shoferi duke drejtuar mjetin me 206 km/h. Ai gjobitet me 300€, dhe 3 muaj i ndalohet drejtimi i mjetit me veprim motorik në territorin e Republikës së Kosovës”, thuhet në njoftimin e policisë.
Tutje, Policia e Kosovës thekson se do të vazhdojnë me ndërmarrjen e masave dhe veprimeve policore ndaj kundërvajtësve të ndryshëm të cilët rrezikojnë sigurinë në trafikun rrugor./KosovaNews/
