Skitari japonez Ryoyu Kobayashi vendosi rekord botëror në kërcim me ski duke fluturuar 291 metra në një pistë të improvizuar në Islandë.
Kobayashi u përpoq ta thyente rekordin botëror të kërcimit me ski, në një pistë të ndërtuar posaçërisht për të.
Gjatë dy ditëve në testim, japonezi kërceu 256, 259 dhe 282 metra, dhe në kërcimin e fundit ai shkoi deri në 291 metra, që është 37.5 metra më shumë se rekordi botëror i vendosur nga Stefan Kraft në Kupën e Botës.
Kobayashi ishte në ajër për tetë sekonda dhe arriti shpejtësi maksimale prej 107.5 kilometra në orë.
27-vjeçari japonez ka arritur 32 fitore në Kupën e Botës, dy herë ka qenë fitues i përgjithshëm, ka një medalje të artë dhe një argjend nga Lojërat Olimpike 2022, si dhe ka fituar tre herë turneun e “Katër Kërcimoreve”.
“Kam ëndërruar për këtë kërcim për një kohë të gjatë, gjithmonë kam dashur të fluturoj më tej se të gjithë të tjerët dhe dua të shtyj kufijtë”, ka thënë Kobayashi pas thyerjes së rekordit.
