Kryeministri i Kosovës, Albin Kurti ka dënuar sulmin me dronë të Iranit ndaj Izraelit.
Në një postim në “X”, Kurti ka shkruar se ky është në akt i paprecedentë, dhe se i njëjti paraqet rrezik të madh për destabilizimin e rajonit.
“Dënoj sulmin e fundit të Iranit ndaj Izraelit. Ky akt i paprecedentë përbën një rrezik të madh për destabilizimin e të gjithë rajonit”, ka shkruar Kurti.
I condemn Iran’s recent attack on Israel. This unprecedented act poses a severe risk of destabilizing the entire region. Now, more than ever, the world needs to prioritize ending hostilities and fostering lasting peace.
— Albin Kurti (@albinkurti) April 14, 2024
Kryeministri ka shtuar se tani më shumë se kurrë duhet dhënë fund armiqësive në botë.
“Tani, më shumë se kurrë, bota duhet t’i japë përparësi përfundimit të armiqësive dhe nxitjes së paqes së qëndrueshme”, ka theksuar Kurti.
Ndryshe të shtunën më 13 prill, Irani ka lëshuar rreth 300 dronë në drejtim të Izraelit.
Forca e Mbrojtjes e Izraelit tha se 99% e tyre u rrëzuan përpara se të hynin në hapësirën ajrore izraelite.
