Qytetarë nga komuna e Prizrenit, si dhe afaristë nga ky qytet janë ankuar se po bezdisen nga numri i madh i lëmosh kërkuesve të ndryshëm që po sillen nëpër zonat më të frekuentuara të qytetit.
Ankesat e shumta kanë bërë që të dalin në patrullime edhe pjesëtarët e Policisë së Kosovës, me ç’rast janë kapur persona që rezultuan që kishin ardhur nga jashtë Kosovës.
“Dje rreth orës 21:00 , Stacionit Policor Prizren ka pranuar ankesa nga qytetarët dhe afaristët e zonës së “ Shatërvanit” në Prizren se po bezdisen nga lëmosh kërkues të ndryshëm. Patrulla policore ka dalë në atë lokacion dhe gjatë patrullimit ka has në tre lëmosh kërkues të cilët kërkonin lëmosh në mënyrë të bezdisshme. Të tre lëmosh kërkuesit ishin nga Republika e Shqipërisë”, thuhet nga policia.
E meqë personat të fjalë kanë bërë veprime që ndalohen me ligj, pas intervistimit të personave që kërkonin lëmosh, në bashkëpunim me Zyrën për Migrim dhe të Huaj, nga Departamenti i Policisë Kufitare , DRP Gjakovë, të tre personat janë depërtuar jashtë Kosovës./KosovaNews/
