Tashmë secili qytetar i Kosovës është njoftuar me sagën e diskutimeve në Komisionin e Pavarur të Mediave (KPM), përkatësisht çështjen e platformës ‘’ArtMotion’’ me theks të veçantë rikthimin e kanaleve serbe të sportit ‘Arena Sport’.
Këtyre të fundit u ishte ndaluar transmetimi në Kosovë pasi kishi glorifikuar terroristët që morën pjesë në sulmin terrorist të Banjskës me 24 shtator të vitit të kaluar. Ndërkaq, javë më parë me një vendim të çuditshëm nga Komisioni i Pavaruar për Media me shumë paqartësi kjo ndalesë u hoq.
Ndërkohë KosovaNews ka siguruar dy korospodenca mes Premier Ligës dhe Art Motion në të cilën Premier Liga i ka bërë të qartë ‘’ArtMotion’’ nuk guxon të transmetojë këtë Ligë në Kosovë pasiqë nuk ka licencë.
Në letrën e siguruar nga KosovaNews të cilën Premier Liga ia ka dërguar KPM-së të nënshkruar nga drejtori i të drejtave të transmetimit Josh Smith ndër të tjera thuhet se:
“Qe nga atehere (pasiqe KPM e ka ndaluar ArenaSport pas rastit ‘Banjska’) kemi kuptuar se Art Motion, Kujtesa, Ipko, nuk po i transmetojne me kanalet ArenaSport, prandaj nuk na duhet me asistenca juaj (e KPMse per Premier League)”
Tash që KPM e ka hequr ndalesën për ArenaSport, mbetet të kuptohet nëse ArtMotion, Kujtesa, Telkos, kanë, apo nuk e kanë të drejtën e transmetimit të PremierLigës në Kosovë, qoftë direkt nga Premier League, qoftë nga ndonjë distributor që i ka këto të drejta për Kosovë.
Disa qytetarë na i kanë dërguar në adresën tonë pamje ku shihe transmetimi i lojërave te Premier Liges nga ana e ArtMotion, Kutjesa dhe Telkos. Pamjet që shihni janë të ditës së sotme, ndërkohë nesër do të dërgojmë pyetje zyrtare në KPM, për të kuptuar nese keta operatore e kane te drejten e transmetimit te Premier Liges Angleze, apo jo.
